由徙置區重建而成嘅公共屋邨——樂富邨

早排阿史就同大家介紹過老虎岩同埋橫頭磡嘅地名起源，今次都係時候同大家介紹下由徙置區重建而成嘅公共屋邨——樂富邨。

喺十八區嘅分佈上嚟講，樂富邨其實就位於黃大仙區同埋九龍城區，屬於「九龍中部屋邨」發展計劃入面。樂富邨並唔係一嚟就係公共屋邨，而係當時將老虎岩徙置區重建而成，早年嘅徙置區主要就係1957年由單幢式設計嘅第一型同埋「日」字型設計嘅第二型嘅徙置大廈組成，加埋有成23座，規模真係幾大！

由於徙置大廈逐漸老化，加上人口愈來愈多，結果就喺1980年代對第一型同埋第二至嘅徙置大廈分別進行改建同埋重建，其中仲有一部分重建嚟做樂富嘅居屋康強苑。現時嘅樂富邨就分成兩期，第一期就係1977年開始設計，由於配合咗啟德機場嘅發展，所以樓宇最高都只係去到15樓。至於第二期就等到1988年先設計，標榜住有充足嘅配套，同埋將成個樂富社區連接起嚟， 1991年落成當陣仲拎過唔少建學界嘅獎項，唔知住樂富嘅史友又覺得呢個公共屋邨設計成點呢？